>Athina, kryeqyteti i dashurisë

>

Parisi është qyteti i dashurisë? Jo ekzaktësisht, pasi në një klasifikim të qyteteve ku flirtohet më shumë, kryeqyteti francez renditet vetëm në vendin e 38.

Duke u bazuar në përfundimin e faqes së internetit të takimeve, badoo.com, është Athina qyteti i vërtetë i dashurisë.

Badoo është një faqe e ngjashme me rrjetet shoqërore, me ndryshimin e vetëm se 100 milion abonentët e saj kanë si qëllim të vetëm dhe të deklaruar njohjet online dhe flirtimet.

Duke marrë shtysë nga numri dhe aktivitetet e vizitorëve, Badoo arriti në përfundimin se numri më i lartë i atyre që arrinin të krijonin një histori pas flirtimeve regjistrohej pikërisht në Athinë.

Në studimin e badoo u studiuan 200 metropole në botë dhe Parisi, i konsideruar gjerësisht si kryeqyteti i dashurisë, u rendit vetëm në vendin e 38.

Në vendin e dytë, për befasinë e të gjithëve ishte një qytet i ftohtë si Moska. Shumë mirë edhe Roma, e teta. Klasifikimi vazhdonte me Madridin (31), Londrën (57), Berlinin (79) dhe Nju Jorkun (89).

Sekreti i Athinës? Sipas drejtuesve të faqes badoo lidhet me natyrën e hapur të grekëve, të cilët komunikimin dhe takimet i kanë pjesë të rëndësishme të kulturës së tyre të përgjithshme.

Advertisements
Postuar te Hulumtime, Kuriozitet. Komentet te >Athina, kryeqyteti i dashurisë Janë të Mbyllura
Këtë e pëlqejnë %d blogues: