>Collin Firth – Sër?

>

Colin Firth, i cili fitoi çmimin Oscar per rolin e tij si Mbreti George VI në filmin “Fjalimi i Mbretit” (The Kings speech), mund te nderohet serish. 

Sipas shtypit anglez, aktori 50-vjeçar, protagonist i filmit më të suksesshëm britanik të historisë pritet të nderohet shumë shpejt me titullin Sër (Sir) nga Mbreteresha.

 Kjo gje do te konfirmohet ne muajin qershor, kur publikohet lista e përvitshme e Mbretëreshës për këtë nderim të veçantë./zhurnal


Advertisements
Postuar te Show-Biz. Komentet te >Collin Firth – Sër? Janë të Mbyllura

>Lugina patjetër duhet të përfshihet në bisedime!

>

Përmes një komunikate për opinion Lëvizja e Progresit Demokratik (LPD) e drejtuar nga Jonuz Musliu, jep arsyet për domosdoshmërinë e përfshirjes së Luginës në bisedimet që priten të nisen mes Prishtinës e Beogradit. Kjo parti përkrah misionin e bisedimeve midis Prishtinës dhe Beogradit, si dhe kërkon që edhe Lugina e Preshevës të jetë pjesë e këtyre negociatave.

“Duke kuptuar se situata aktuale politike e sigurisë në rajonin e Luginës së Preshevës është akoma e paqëndrueshme dhe një pengesë për paqe dhe stabilitet në rajon, angazhohemi direkt i përfaqësuesve legjitimë të shqiptarëve të këtij rajoni në këto negociata, do të ndikonte pozitivisht në zgjidhjen e shumë problemeve me të cilat ballafaqohen qytetarët, të cilët jetojnë këndej e matanë kufirit shtetëror me Kosovën”, thuhet në një kumtesë për media të LPD-së, njofton PreshevaNews.


Lëvizja e Progresit Demokratik e sheh të domosdoshme pjesëmarrjen e shqiptarëve të Luginës së Preshevës në bisedimet shqiptaro serbe për këto arsye: të demilitarizimin e plotë i Luginës së Preshevës; që çështja e sigurisë publike të jetë në kompetencë ekskluzive të policisë multietnike dhe strukturave të saj komanduese; që sistemi arsimor në Luginë të Preshevës të harmonizohet me sistemin arsimor të Kosovës, konform standardeve evropiane për arsim; që të bëhet zostrifikimi i diplomave të studentëve të këtij rajoni, që mbarojnë studimet në Prishtinë, Tetovë etj; të integrimi proporcional i shqiptarëve në strukturat e pushtetit lokal dhe të gjitha institucionet shtetërore e publike të të gjitha niveleve, aplikimi zyrtar i gjuhës shqipe në institucionet e vetadministrimit lokal, institucionet shtetërore dhe ato publike të të gjitha niveleve, etj.


“Kuptohet të gjitha këto duke rikonfirmuar vullnetin e popullatës të shprehur në Referendumin e 1 dhe 2 marsit të vitit 1992, për definimin e Luginës së Preshevës si rajon të posaçëm politik, territorial dhe kushtetues, si bazë për zgjidhjen politike të problemeve sipas Marrëveshjes Paqësore të Konçulit dhe shumë marrëveshje të tjera shqiptare të arritura gjatë këtij dhjetëvjeçari”, thuhet nnë këtë kumtesë të LPD-së, e cila kërkon nga faktori politik shqiptar i Luginës së Preshevës të jetë unik rreth bisedimeve midis Prishtinës dhe Beogradit. /Telegrafi/

Postuar te KOSOVË, RAJONI. Komentet te >Lugina patjetër duhet të përfshihet në bisedime! Janë të Mbyllura

>Hajredin Kuçi transparent

>

Zëvendëskryeministri Hajredin Kuçi ka marrë vendim që për çdo të premte të publikohen në ueb-sajtin e Ministrisë së Drejtësisë të gjitha shpenzimet javore të kësaj ministrie. 

Me qëllim të ngritjes së transparencës dhe përgjegjësisë publike para qytetarëve të Kosovës për punën, angazhimet dhe shpenzimet që bëhen në Ministrinë e Drejtësisë, Zëvendëskryeministri dhe Ministri i Drejtësisë, Hajredin Kuçi, ka marrë vendim që çdo të premte të publikohen të gjitha shpenzimet javore, duke filluar nga Kabineti i Ministrit, sekretari i Përgjithshëm, departamentet, agjencitë dhe zyrat e Ministrisë së Drejtësisë. 

Shpenzimet e realizuara nga Ministria e Drejtësisë do të janë të detajuara për secilin dikaster veç e veç, dhe si rrjedhojë çdo vendim i marrë në Ministrinë e Drejtësisë, do të publikohet në ueb-faqen e MD’së, në linkun “Vendimet e Ministrit”./ge

Postuar te KOSOVË. Komentet te >Hajredin Kuçi transparent Janë të Mbyllura

>Akuzat e Martyt nuk rrezikojnë pavarësinë e Kosovës

>

Kombet e Bashkuara, sikundër edhe Rusia, presin që hetimet rreth pohimeve mbi krimet në Kosovë t’i zhvillojnë institucione ndërkombëtare me autoritet, citojnë mediet e Beogradit shefin e UNMIK-ut, Lamberto Zannier, të ketë thënë në Moskë.
Zannier ndërkaq, konsideron se pohimet për krimet e udhëheqësve kosovarë nuk rrezikojnë pavarësinë e Kosovës. “Pres që qeveria e Kosovës të japë sqarimet e veta rreth kësaj lënde të ndërlikuar”, i ka thënë Zannier të përditshmes ruse “Novie Izvestia”, raporton Koha.

Duke komentuar kërkesën e Prishtinës rreth pranisë së misionit të KB në Kosovë, Zannier ka rikujtuar se shpalljen e pavarësisë së Kosovës e kanë njohur më pak se gjysma e vendeve anëtare të KB, për ç’arsye Kosova është e detyruar të bashkëpunojë vetëm me ato që i kanë njohur.
“Ne nga ana jonë po ndihmojmë që të bashkëpunojë me të gjitha shtetet, duke vepruar në kuadër të Rezolutës 1244 të KS të KB, po përpiqemi t’u ndihmojmë disi kosovarëve që të integrohen në bashkësinë ndërkombëtare”, citohet të ketë thënë shefi i UNMIK-ut.
Duke u përgjigjur në pyetjen se a ka ende mundësi për konflikt të ri ndërnacional, duke pasur parasysh se serbët në Kosovë nuk e pranojnë autoritetin lokal, Zannier është përgjigjur se askush nuk dëshiron që Kosova të jetë një nacionale dhe se KB angazhohen që të jetë multietnike.
Zannier ka deklaruar se bashkësia ndërkombëtare nuk i ka të gjithë çelësat për zgjidhjen e problemit të Kosovës, dhe se me këtë duhet të merren njerëzit që jetojnë në rajon. “Ata duhet të bëjnë zgjedhjen e vet, shumë serioze e të ndërlikuar. Vetëm atëherë do të jetë për të gjithë mirë”, është shprehur shefi i UNMIK-ut./ki
Postuar te Bota, KOSOVË. Komentet te >Akuzat e Martyt nuk rrezikojnë pavarësinë e Kosovës Janë të Mbyllura

>Njeriu më me fat i planetit

>

Një italian 58-vjeçar duhet të konsiderohet si një prej njerëzve më me fat të planetit, ndonëse fati i tij i mrekullueshëm ishte tragjik për dy persona të tjerë. 

Pasi vuante nga një sëmundje e gjatë dhe e pashërueshme në zemër, 58-vjeçari u lajmërua nga spitali i Torinos, që ishte vënë në krye të listës së pritjes për një transplantim zemre.

Tre ditë më parë, ai u informua se një dhuruese u gjet për të, nga një grua që kishte pësuar dëmtime të pariparueshme në tru, në një spital të Cesenas.

Ndërsa priste transportin e organit, torinezi u fut në sallën e operacionit dhe procedura e heqjes së zemrës së tij u krye. Për fatin e keq, koha e keqe bëri që helikopteri i nisur me organin të pësonte një aksident në nisje.

Helikopteri doli nga pista në nisje dhe ndonëse askush nuk mbeti i dëmtuar, organi u bë i papërdorshëm. 

Pa zemër dhe me kraharorin e hapur, kapaciteti i pajisjeve që mbanin në jetë 58-vjeçarin ishte duke u ezauruar, kur një dhurues u gjet në momentet e fundit, pas një aksidenti rrugor të ndodhur pranë spitalit, transmeton TCH.

Për fatin e mirë të 58-vjeçarit dhe për fatin e keq të të ndjerit, grupi i gjakut ishte i njëjtë, ndërsa zemra e tij ishte tërësisht e përputhshme./kn

Postuar te Kuriozitet. Komentet te >Njeriu më me fat i planetit Janë të Mbyllura

>Jolie: I frikësohet plakjes, futet në briskun e kirurgut

>

Angelina Jolie ka filluar të vuajë për shkak të kalimit të moshës dhe dëshiron të duket sa më e re.

Për këtë arsye, aktorja e bukur ka vendosur t’u nënshtrohet një varg procedurave të rrezikshme plastike, në mënyrë që sërish të duket e freskët dhe e re. “Është bindur se po e humb pamjen e saj të bukur.

Ka vendosur të shkojë në operacione dhe atë sa më shpejt që të jetë e mundur. Mendon se ky është prioriteti numër 1. E di saktësisht se çfarë dëshiron”, ka deklaruar një mike e saj.

Ajo dëshiron të bëjë tërheqjen e lëkurës së fytyrës si dhe të rrafshojë rrudhat në qafë, por edhe intervenime tjera./yp

Postuar te Show-Biz. Komentet te >Jolie: I frikësohet plakjes, futet në briskun e kirurgut Janë të Mbyllura

>Mourinho i shpëtoi goditjes me thikë

>

Inati ndaj Jose Mourinhos ka kaluar çdo kufi. Sipas radios spanjolle Cadena Ser, trajneri i Real Madridit ka rrezikuar të goditet me thikë. Javën e kaluar, në aeroportin e Korunjës, dikush ka tentuar të godasë me thikë portugezin. Mourinho është shpëtuar nga një truprojë e klubit madrilen, i cili e ka “hëngër” thikën në vend të kryetrajnerit, duke marrë një plagë 4 centimetra të thellë, transmeton TCH. 

Sipas radios spanjolle, Mourinho ka shkuar pranë një turme tifozësh për të firmosur autografe dhe truproja e ka shoqëruar duke i qëndruar pranë. Në atë moment, punonjësi i sigurisë ka ndjerë goditjen me thikë dhe e ka larguar trajnerin në autobus pa thënë gjë. Mourinhos i është bërë e ditur ngjarja vetëm disa ditë më vonë.

Postuar te SPORT. Komentet te >Mourinho i shpëtoi goditjes me thikë Janë të Mbyllura
Këtë e pëlqejnë %d blogues: