>Arratisja e qenit detyron aeroportin të mbyllet

>

Pinçer, një lloj qeni jo më shumë i lartë se 12 inç, ndërpreu operacionet në aeroportin Kongonhas në Sao Paolo, qyteti më i madh në Amerikën e Jugut.

 Ai u arratis nga krahët e pronarit të tij, teksa ai përpiqej ta vëndoste atë në makinë dhe menjëherë ka përfunduar në pistën e fluturimit të aeroplanave. 

Mbikëqyrësit e aeroportit dhe zjarrfikësit u lajmëruan në radio dhe filluan organizimin për të kërkuar kafshën. 
Arritjet dhe nisjet nga Kongonhas, e cila ndodhet në jug të Sao Paulo,u pezulluan për 24 minutat e ardhshme dhe si rezultat katër fluturime pësuan vonesa. 
Një fluturim u devijua për në Virakopos, rreth 60 milje larg, ndërsa ndërsa një pilot në një tjetër aeroplan që po priste të ulej i duhej tu shpjegonte pasagjerëve se kjo vonesë u shkaktua ngaqë një qen ishte arratisur brenda territorit të pistës. 
Advertisements
Postuar te Kuriozitet. Komentet te >Arratisja e qenit detyron aeroportin të mbyllet Janë të Mbyllura

>Deri në ç’masë është i dëmshëm duhani…

>

Ajo që dihet është se duhani është i dëmshëm. Por sa i dëmshëm? Tre studime të reja mbi pirjen e cigares tregojnë se duhani është më i dëmshëm seç mendohej për shëndetin fizik dhe mendor. 

 Kirurgia e Përgjithshme amerikane Regina Benjamin publikoi kohët e fundit një deklaratë mbi ndikimin e duhanit tek shëndeti fizik: 
“Raporti arrin në përfundimin se dëmi që shkaktohet nga duhani është i menjëhershëm.” 
Dr. Benjamin thotë se tymi i cigares hyn në gjak shumë shpejt dhe ndikon tek çdo organ. Ajo thotë se edhe pirja e rrallë e cigares apo thithja e tymit të dikujt tjetër mund të shkaktojë sëmundje të rënda apo vdekje. 
“Një cigare, apo thithja e tymit të tjetrit mund të shkaktojë atak në zemër.” 
Dr. Benjamin u thotë njerëzve që po përpiqen ta lënë cigaren që të mos heqin dorë. Pirja e cigares është e zakonshme në ushtri, e veçanërisht në zonat e luftës. Veteranët ushtarakë që vuajnë nga çrregullime post-traumatike stresi shpesh fillojnë cigaren për t’i ndihmuar të ndjehen në humor më të mirë. 
Ashtu bëri edhe Walter Williams kur shërbeu në Vietnam: 
“Unë e fillova duhanin në ushtri. Dukej sikur të gjithë pinin cigare.” 
Profesor Miles McFall dhe Dr. Andrew Saxon nga Spitali i Veteranëve në Seattle studiuan më shumë se 900 veteranë. Mjekët i trajtuan gjysmën e veteranëve për sindromën e stresit post-traumatik – apo PTSD – ndërsa i trajtonin ata edhe për duhanin. Gjysma tjetër u trajtua për PTSD por shkoi në një tjetër program për lënien e duhanit: 
“Ndër veteranët që morën një trajtim të integruar, ndërhyrje, nga mjekët e shëndetit mendor në klinikën e PTSD-së, dy herë më shumë prej tyre e lanë cigaren në krahasim me ata që u refereuan tek klinika për lënien e cigares”. 
Në fakt, një studim nga Universiteti Brown konstatoi se lënia e duhanit i bën njerëzit më të lumtur. Ky studim përfshiu mbi 200 duhanpirës që donin ta linin cigaren. Ata vunë një ngjitëse nikotine, morën konsulta dhe ranë dakord mbi një datë për lënien e duhanit. Ata që morën pjesë në studim bënë një test të standardizuar për simptoma depresioni para datës së lënies së duhanit dhe pastaj në intervale të ndryshme pas kësaj. 
Në dallim nga kjo, Profesor Kahler konstatoi se njerëzit që e linin duhanin dhe pastaj i ktheheshin prapë, ishin në humor më të mirë kur nuk pinin cigare dhe pastaj binin në depresion kur i ktheheshin duhanit: 
“Të paktën njerëzit ndihen më mirë kur nuk pinë duhan se sa kur e pinë.” 
Ai thotë se shpreson që studimi t’i frymëzojë njerëzit ta lënë cigaren, veçanërisht kur ta kuptojnë se lënia e duhanit të jep një jetë më të lumtur dhe më të shëndetshme se sa depresioni afatgjatë.
Postuar te Kuriozitet, Studim. Komentet te >Deri në ç’masë është i dëmshëm duhani… Janë të Mbyllura

>Ja çfarë nuk keni ditur !

>

Marilyn Monroe, gjegjësisht Norma Jean Mortenson, legjendë e filimit, muzikës dhe bukurisë, e lindur më 01.06.1926, në fëmijërinë e saj ndërroi 12 familje përkujdesëse


Kafepirësit mendojnë më shpejtë dhe veprojnë më logjikisht se ata që nuk e përdorin kafenë.

Portieri Jose Luis Chilavert shenoi 49 gola gjatë ndeshjeve në klubin e tij dhe ekipit kombëtar ndërmjet Korrikut 1992 dhe Marsit 2000.

“Operacioni Me I Gjate” Një operacion i cili u zhvillua në vitin 1951 në Chicago, Illinois (USA), gjatë të cilit pacientes Gertrude Levandowski iu mënjanua një cistë nga njëra vezore e saj, zgjati prej 4-8 Shkurt d.m.th. 96 orë. Gjatë operacionit pesha e pacientes zbriti nga 280 në 140 kg.
“Njerezit me te gjate e me te shkurter” Njeriu me shtatin me te larte ka qene austriaku Frederik Vinkelmeir,qe ka jetuar ne shek.VII.Ai ishte 2.78 m i gjate.Gruaja me e gjate e te gjitha kohrave ka qene gjermania Mariane Wehler me gjatesi 2.55 m.Njeriu me i shkurter ka qene Xhin Vorenburgu me gjatesi 45 cm dhe konkurrentja e tij Halami Aqube Ton Sinai me gjatesi vetem 38 cm.

Sa kushton 1 kg mjalte?
Per te prodhuar nje kilogram mjalte,nje blete i duhet te thithe nektarin e 12 milion luleve dhe per kete te pershkoje nje rruge me gjatesi rreth 300.000 kilometra.

Elefanti frikacak
Elefantet i tremben lepujve dhe qenve qofshin keta edhe te vegjel.

Insekti i zbutur”
Bleta eshte i vetmi insekt i zbutur nga njeriu.

Gjuhet e botes
Ne shoqerine e sotme njerezore fliten 2796 gjuhe te ndryshme.Ato ndahen ne 11 grupe kryesore dhe 50 grupe “gjuhesh te vogla”.Njerezit qe flasin keto gjuhe perdorin rreth 8000 dialekte

Pse Deti i Zi quhet keshtu?
Perqindja e vogel e kripezimit prej 1.9 perqind i jep Detit te Zi nje ngjyre te erret karakteristike.

Popullsia e botes deri sot
Mendohet se qe nga krijimi i shoqerise njerezore ne bote kane jetuar mbi 80 miliard njerez.

Shpenzimet ushtarake
Ne vitin 1979 u harxhuan per qellime ushtarake 450 miliard $,ne 1985 850 miliard $ dhe sot kalojne shifren prej 1.000.000.000.000 $.

Pabarazite sociale
Ne vitin 1960 1/5 me e pasur e botes kishte te ardhura mbi 20 here me te medha sesa 1/5 me e varfer dhe ne vitin 1960 kjo diference u trefishua.
47 vendet me te pazhvilluara te Afrikes e Azise (qe banohen nga 3 miliard njerez) kane te ardhuara vjetore 500 $ kurse vende te Evropes Veriore kane 20.000 $.

James Gill, i biri i Brenda dhe James Gill, lindi 128 ditë para kohës së paraparë. Në lindjen e tij më 20 Maj 1987 në Ottawa, Ontario (Kanadë) peshonte 624 gr.

Nëna më e vjetër
Rosanna Dalla Corta nga Viterbo (Itali) sipas të dhënave në korrik të vitit 1994 në moshën 63 vjeçare lindi një djalë.

Protesta më e madhe kundër luftës u mbajt më 15.11.1969 në Washington D.C. (USA) ku morën pjesë rreth 600.000 pjesmarrës të cilët protestuan kundër vazhdimit të luftës së amerikanëve në Vietnam.

Binjakët më të rëndë në botë ishin Billy Leon dhe Benny Loyd McCrary, alias McGuire, nga Hendersonville (USA) të cilët u lindën më 7.Dhjetor 1946. Deri në moshën 6 vjeçare kishin shtat normal. Në Nëntor 1978 Billy peshonte 337 kg. ndërsa vëllau i tij Benny 328 kg. Billy vdiq në Korrik 1979.
Postuar te Kuriozitet. Komentet te >Ja çfarë nuk keni ditur ! Janë të Mbyllura

>Blindohet me telefona, e zënë!

>

Dogana e Kosovës ka njoftuar se në Aeroportin Ndërkombëtar të Prishtinës është shënuar kundërvajtja e parë e këtij viti, që kishte të bënte me

tentimin për kontrabandim të 1.117 telefonave celularë, vlera e të cilëve llogaritet rreth 5.312 euro.

Sipas njoftimit nga Dogana e Kosovës udhëtari vinte nga Stambolli dhe ishte futur në kanalin e gjelbërt, që nënkupton se nuk bartë mallra komerciale, mirëpo oficerët doganorë e kanë ndalur dhe pas ushtrimit të kontrollit nëpërmjet skanerit kanë zbuluar telefona celular dhe pjesë përcjellëse të padeklaruara në tri valixhe të tij.
Edhe gjatë kontrollit trupor në xhaketën e personit të dyshuar janë gjetur 8 telefona celular të ri të prodhimit kinez, ndërsa në një jelek të adoptuar për fshehje janë zbuluar 34 telefona celularë të rinj të modeleve të ndryshme të prodhimit kinez.
I dyshuari është intervistuar dhe sipas urdhrit të prokurorit është në mbajtje. Me këtë rast pala ka bërë kundërvajtje doganore sipas nenit 250, pika 1, e Kodit Doganor dhe të Akcizave./koha
Postuar te KOSOVË. Komentet te >Blindohet me telefona, e zënë! Janë të Mbyllura

>Buffon, portieri më i mirë i dekadës

>

Gianluigi Buffon, futbollisti i Juventusit dhe kombëtares italiane, është shpallur si portieri më i mirë i dekadës së kaluar nga Instituti Ndërkombëtar i Historisë dhe Statistikave të Futbollit (IFFHS).

Në vend të dytë u rendit portieri i Spanjës dhe Real Madrid, Iker Casillas, i cili të martën u përzgjodh nga IFFHS-ja si portieri më i mirë i vitit 2010.


Buffon grumbulloi 182 pikë ndaj 177 të Casillas. Të dy këta portierë kanë qenë dominuesit e dakadës së kaluar. Buffon është shpallur katër herë si “Portieri më i mirë i vitit”, ndërsa Casillas tre herë.


Në vend të tretë renditet portieri i Chelsea dhe Cekisë, Petr Cech, me 138 pikë. I katërti është renditur hollandezi Edwin van der Saar i Manchester United (105 pikë) dhe i pesti pozicionohet gjermani Oliver Kahn (99 pikë), ish-portier i Bayern Munchen.


Ja renditja e 10 portierëve më të mirë të dekadës:






1. Gianluigi Buffon (ITA) 182 pikë.


2. Iker Casillas (SPA) 177.


3. Petr Cech (RCE) 138.


4. Edwin van der Sar (HOL) 105.


5. Oliver Kahn (GER) 99.


6. Nélson de Jesus e Silva ‘Dida’ (BRA) 90.


7. Jens Lehmann (GER) 72.


8. Roberto Carlos Abbondanzieri (ARG) 68.


9. Victor Valdes (SPA) 64.


10.Júlio César Soares (BRA) 63.

Postuar te SPORT. Komentet te >Buffon, portieri më i mirë i dekadës Janë të Mbyllura

>Elefanti i bën masazh Kim Clijstersit (video)

>

Belgja Kim Clijsters, tenistja e tretë e renditur në WTA, ka kaluar festat në Tajlandë, ku në një ndeshje ekzibicioniste ishte më e mirë se
tenistja aktuale më e mirë në botë, danezja Caroline Wozniacki. 
Ditët në pjesën juglindore të Azisë, Clijsters ia kaloi në mënyra të shumta dhe me siguri më interesantja ishte “masazhi tajlandez”, të cilit iu nënshtrua. Për largimin e problemeve psikofizike të ish-tenistes më të mirë në botë u përkujdes elefanti!
Masazhi dhe pastaj shtypja e butë me këmbë në trupin e tenistes belge, ndoshta ndihmuan Clijsters, e cila në ndeshjen ekzibicioniste Wozniacki me rezultat 6-3, 4-6, 12-10./koha




Postuar te Kuriozitet. Komentet te >Elefanti i bën masazh Kim Clijstersit (video) Janë të Mbyllura

>Raporti i ri i KiE: Në Kosovë vriten dëshmitarët

>

Një mal me të zeza do të fliten për Kosovën në sesionin dimëror të Asamblesë Parlamentare të Këshillit të Evropës. Nuk do të jetë vetëm raporti i Dick Marty që do të kërkojë miratimin e Asamblesë. Anëtari nga Monako, Jean-Charles Gardetto, ka përgatitur një

raport për mbrojtjen e dëshmitarëve që kanë të bëjnë me krimet e luftës. Raporti ka të bëjë me të gjithë hapësirën e Ballkanit. Por, pjesa më negative në të i përket Kosovës. Në raportin që Indeksonline e ka parë, mes tjerash, thuhet se në Kosovë vriten dëshimtarët që guxojnë të japin dëshmitë e tyre për rastet e krimeve të luftës, dhe se duhet urgjentisht të strehohen jashtë Kosovës.

“Nuk ka Ligj për Mbrojtjen e Dëshimtarëve në Kosovë. Ka një tentim për ta bërë një të tillë. Në rastet më serioze, dëshmitarët dëshmojnë në mënyrë anonime. Por, raportuesit i’u bë e qartë se këto masa janë të padobishme përderisa dëshmitarët fizikisht vazhdojnë të mbesin në Kosovë, ku secili e njeh secilin. Shumica e dëshimtarëve identifikohen nga mbrojtja kur japin dëshmitë e tyre, përkundër masave anonime”
“Dëshimtarët shihen si tradhëtarë nga komunitetit kur japin dëshmitë e tyre, që i dekurajon dëshmitarët të dalin përpara me dëshmitë e tyre. Për më tepër, shumë njerëz nuk besojnë se kanë obligim moral dhe legal për të dëshmuar në çështje kriminale”
“Për më tepër, kur një dëshimtar vendosë të flasë, ka gjasa reale për hakmarrje. Ata mund të humbasin vendin e tyre të punës, ose në rastin më të keq, edhe të vriten. Këtë më së miri e dëshmon gjykimi i Ramush Haradinajt, ish-lideri i UÇK-së. Zoti Haradinaj u akuzua nga Tribunali i Hagës për krime të kryera gjatë luftës në Kosovë, por më vonë u shpallë i pafajshëm. Gjatë gjykimit të tij, Tribunali nënvizoi vështirësitë që kishte për të siguruar prova nga 100 dëshmitarë të Prokurorisë. 34 prej tyre u janë dhënë masa mbrojtëse dhe 18 morën thirrje. Disa dëshmitarë që duhej të dëshmonin në gjykim, u vranë. Këtu përfshihen edhe Sadik dhe Vesel Muriqi, që ishin nën program mbrojtjeje nga ana e Hagës.
“Një dëshmitar i Prokurorisë u vra dhe një dëshmitar anonim u lëndua seriozisht në një shitore në Xërxë, më 10 tetor 2005, pasi që u pajtuan se do të dëshmonin për një rast të krimeve të luftës. Emri i plotë dhe detajet e dëshmitarit anonim u dhanë në një gazetë lokale. Si rezultat i kësaj, në gjykimin e dhjetorit 2005, dëshmitari që mbijetoi nuk ishte në gjendje të dëshmojë në mënyrë anonime”.
Më tutje, raporti thotë se shtetet e BE-së duhet të jenë në gjendje që t’u japin strehim në territorin e tyre dëshmitarëve, sepse është e pamundshme për ta që të mbesin brenda Kosovës. Aty i bëhet thirrje edhe EULEX-it që të bëjë më shumë në këtë drejtim.
Raporti i Gardettos gjithashtu thekson mosgatishmërinë e autoriteteve lokale për t’u marrë me rastet e krimeve të luftës.
“Siç pranohet edhe nga zyrtarët kosovarë, pa bashkësinë ndërkombëtare Kosova nuk do të mund të ofronte asnjë lloj mbrojtjeje për dëshimtarët e rrezikuar (Policia e Kosovës nuk i ka kapacitetet e nevojshme). Për më tepër, autoritetet e pranojnë hapur se në disa raste të ndjeshme të krimeve të luftës, është e pamundshme që të gjenden gjykatës, prokurorë dhe avokatë nga Kosova që duan të merren me çështje të tilla”, përfundon raporti. /indeksonline
Postuar te KOSOVË, POLITIKË. Komentet te >Raporti i ri i KiE: Në Kosovë vriten dëshmitarët Janë të Mbyllura
Këtë e pëlqejnë %d blogues: