>Meshkujt e ruajnë dashurinë e fshehtë

>

Dashurinë e fshehtë e ka çdo i pesti person që është në lidhje, ndërsa ndaj saj ndjejnë epsh më të madh se ndaj partnerit, ka treguar anketa britanike me 3 000 persona.

Në shumicën e rasteve, partneri e di se për kë është fjala, pasi ata janë zakonisht mikeshat e afërta, koleget e punës apo dashuritë e vjetra. Meshkujt janë më të prirë ndaj aferave, duke pranuar dashurinë e fshehtë 22 % e tyre, krahasuar me 15 % të femrave. 




Në lidhjet mbi 5 vjet, dashuri të fshehtë kanë një nga 25 partnerë, njoftojnë mediet britanike.

“Edhe nëse lidhja është e lumtur, është e mundur që partneri të dashurojë dikë tjetër. Për ata që nuk mund të kontrollojnë epshin e tyre, kjo mund të jetë fundi i martesës apo lidhjes”, porositin studiuesit.

Postuar te Hulumtime, Seks dhe Dashuri. Komentet "Off"

Zbuloni çka fshihet në trurin e mashkullit

Nuk janë xheloz, nuk i shprehin ndjenjat dhe nuk i vërejnë rrobat që i veshin femrat, janë vetëm disa nga besimet që lidhen me meshkujt. Por, u zbulojmë sekretet e fshehura thellë në trurin e meshkujve të cilat tregojnë anën e tyre të ndjeshme.


-Pëlqejnë të ledhatohen-Njëjtë sikur edhe te femrat, në disponimin e meshkujve për ledhatim ndikon atmosfera dhe ambienti.



-Mendojnë që janë të jashtëzakonshëm në shtrat-Meshkujt shpesh mendojnë që me besimin e fortë në ndonjë gjë mund të zgjedhin secilin problem, kështu edhe kur është në pyetje seks. Pikërisht për këtë meshkujt në shtrat veprojnë me aq vetëbesim, ndërsa në fakt nuk kanë haber se çka janë duke bërë.


-Nuk e pëlqejnë kur në takim pini tepër-Së paku në fillim të lidhjes, derisa ende nuk njiheni mirë, nuk është keq ta shmangni alkoolin, pasi që të dehur ndonjëherë shndërrohemi në person krejt tjetër.


-I largon nga ju grimi i rëndë dhe i theksuar-Meshkujt e pëlqejnë kur femra u është rregulluar, por sasia e tepërt e grimit nuk u është aspak tërheqëse. Preferojnë pamjen natyrale në krahasim me ngjyra të tepërta dhe më shtresën e trashë të pudrës.


-Edhe ai frikësohet se kurrë nuk do të martohet-Vështirë që këtë ndonjëherë do ta pranojë, por edhe sikur femrat, ata frikësohen se do të mbesin të vetëm dhe se nuk do të arrijnë ta gjejnë ‘të vërtetën’. Sidomos i kap paniku kur të mbesin të vetmit në shoqëri që ende nuk janë martuar.
-Dëshirojnë sa më parë të zhduken pas seksit për një natë-Pas natës pasionante me personin me të cilin nuk dëshiron ta fillojë lidhjen, meshkujt duan thjesht të zhduken, sa më parë që është e mundshme.


-Femrat kurrë nuk do ta kuptojnë fiksimin e tyre pas sportit-Fiksimi pas futbollit, basketbollit, notit, jo, këtë kurrë nuk do të arrijnë femrat ta kuptojnë, pohojnë meshkujt. Shpresë nuk japin as adhurueset e sportit, pasi që ato edhe përkundër kësaj, nuk janë sikur meshkujt.


-Dhimbjen e ndarjes e shërojnë me shoping-Edhe pse gjithmonë pohojnë se janë ata që vuajnë derisa femrat blejnë dhe vizitojnë dyqanet, edhe ata e pëlqejnë këtë gjë. Dhimbja pas ndërprerjes së lidhjes u është e mjaftueshme që të nisin në kërkim të rrobave të reja.


-Seksi në dush, i mbivlerësuar-Të gjithë meshkujt pëlqejnë që të lavdërohen, të jenë apo së paku të përpiqen të jenë sikur personazhet nga filmat. Kështu që do të thonë se edhe seksi nën dush është i shkëlqyeshëm. Por, në fakt sikur edhe femrave, kjo gjë u sjell lagështi, rrëshqitje, dhe nuk e kanë aspak të lehtë me sapun në sy.


-Pëlqejnë të jenë xhentëlmenë – Ndjenjat dhe anën e butë vështirë e tregojnë, por në fakt meshkujt pëlqejnë t’u ndihmojnë femrave duke iu bartur gjësendet, t’ua hapin derën apo t’i lejojnë të kalojnë të parat.


-Vetëbesimi gjatë seksit i ndez-Edhe pse ndoshta nuk e dini çka bëni, bëjuni se e dini. Femra e aftë dhe me përvojë i rrëzon nga këmbët.


-Nuk ndihen të sigurt gjatë kohës së bisedës “së ndytë”-Edhe pse kjo ndoshta i ndez, gjatë kohës së bisedës “së ndytë” meshkujt frikësohen shumë se mos do të thoni diçka të gabuar dhe do ta shkatërronit të gjithën.


-Janë xhelozë pasi që janë të pasigurt-Nëse e vëren se partneren e tyre e shikon një mashkull tjetër, do t’i kapë paniku dhe do të ndihen të pasigurt. Këto ndjenja paraqiten për shkak të mendimit se nuk janë aq të mirë dhe se nuk e meritojnë partneren e tyre.


-Seksi në plazh, nuk u pëlqen-Qëndrimi në det është shumë romantik, por seksi në plazh sikur në filma në fakt nuk u duket tërheqës. Zalli që ngacmon dhe nervoza se dikush mund të vijë dhe tëra ato kafshë deti… Jo, në atë situatë më mirë do të ndërronin seksin me birrë në kafene.

Postuar te Hulumtime. Komentet "Off"

Mund të vdesësh nga dashuria

Shkenctarët thonë se mund të vdesësh nga dashuria. 


Kur një prej partnerëve të çiftit mbetet vetëm, sigurisht nëse është në moshë të thyer, ka shumë mundësi që të takojë shumë shpejt në botën tjetër njeriun e dashur.

Zbulimi erdhi pas një studimi të ekspertëve skocezë, të kryer të 58 mijë çifte të martuarish. Studimi nisi prej vitit 1991 dhe u pa se 40 përqind e grave dhe 26 përqind e burrave vdiqën në një periudhë tre-vjecare, pasi kishin mbetur të vetëm. 12 përqind e personave vdiqën në të njëjtën ditë që vdiq edhe partneri i tyre.


Kush mbetet i/e ve, ka nevojë për ndihmë


Mesazhi që arrin nga ky studim është shumë i qartë: Nuk ka rëndësi se përse ka vdekur një prej partnerëve; tani duhet treguar shume kujdes për vejanin apo vejushën. Ata kanë nevojë për ndihmë dhe mbështetje sepse ndodhen në gjendje emotive të dobët.

Postuar te Hulumtime. Komentet "Off"

Si ta “shkrini’ zemrën e një femre

Shprehjet e tilla, si “mos ke humbur në peshë?” vërtet tingëllojnë mirë në veshin e femrës, mirëpo kur është në pyetje dashuria, ekzistojnë edhe shprehje të tilla nga të cilat ‘shkrihet’ zemra e femrës.







“Të dua”


Madje edhe femrat e vështira të cilat ‘nuk bien’ në flirt, kënaqen kur dëgjojnë këto dy fjalë nga partneri. Është me rëndësi që këto fjalë të thuhen në momentin e duhur dhe në vendin e duhur- atëherë efekti i tyre është i garantuar. Ndoshta do t’i lëkunden gjunjët, apo mund t’i bie të fikët, mirëpo këto janë pasoja të dëshirueshme…


“Ke të drejtë”


Të jemi të sinqertë, kjo fjali u pëlqen të gjithëve. Kur personi me të cilin jeni në lidhje pranon se në një temë të caktuar ju dini më shumë, atëherë në organizëm paraqitet një ‘valë’ e adrenalinës e cila nxit një ndjenjë shumë të ëmbël sikurse vetë dashuria. Edhe pse nganjëherë duhet të keni të drejtë, nuk është mirë që gjithmonë të jetë ashtu. Nëse femra ka shprehi të tillë që gjithmonë të ketë të drejtë, atëherë kjo shprehje nuk e ka vlerën e duhur, dhe shumë shpejtë do të vijë deri te konflikti me partnerin.


Ata të cilët dëshirojnë që gjithmonë të kenë të drejtë, në vend të kësaj do të ishte mirë që të mundohen të jenë të gëzuar dhe të lumtur. Lejojeni partnerin që nganjëherë të jetë fitues i debatit, dhe buzëqeshni nganjëherë dhe thojeni fjalinë e artë: “Ke të drejtë”. Kjo nuk do t’ju mbysë, por do ta gëzojë partnerin tuaj.


“Je e përsosur për mua”


Për secilën femër është me rëndësi që të ketë qëndrim pozitiv për veten e saj. Nëse fillon të mendojë negativisht dhe të ketë vlerësim të ulët për veten e saj shumë shpejt mund të bëhet e pasigurt dhe personaliteti i saj të lëkundet. Prandaj, gëzojeni të dashurën tuaj me shprehjen e këndshme, e cila do ta kënaqë atë dhe ju do të jeni krenar për këtë gjë.


“Pranoj”


Nuk duhet të jeni të fiksuar pas martesës që kjo fjalë t’ju duket e rëndësishme. Nëse ëndërroni për ditën kur partnerja juaj do të thotë se dëshiron të martohet me ju, është me rëndësi ta dini se ajo vërtet e do këtë gjë. Këmbimi i premtimeve të martesës, për femrën është një hap shumë i madh. Ky është një hap i cili e frymëzon atë dhe e dërgon drejt lumturisë së përjetshme dhe e bën të përqendrohet në ndërtimin e një të ardhme të lumtur sikurse në ëndrrat e saj.

Postuar te Hulumtime. Komentet "Off"

Ndarja, si ta harroni atë

Ndarja, si ta harroni atë

Shumë njerëz harxhojnë kohë të gjatë për të harruar ish-in e tyre, pasi ndahen nga ai/ajo. Disa prej tyre duan muaj, ndërsa të tjerë duket se nuk e marrin veten kurrë. 


Studiuesit kanë arritur në përfundimin se gjendja e kujtimit të ish-it ndikon negativisht, jo vetëm në shëndetin tuaj mendor, por edhe në fazat e mëtejshme të jetës. 


Për këtë arsye duhet të përpiqeni të gjeni zgjidhje sa më parë. Nuk bëhet fjalë për zgjidhje të menjëhershme, por për ato zgjidhje që do të ndryshonin ngadalë jetën tuaj. 



Nuk është e rastësishme një gjendje depresive dhe me humor të keq. Është pikërisht kujtimi i ish-it tuaj që nuk ju lë të merrni frymë lirshëm.

Shëndeti mendor

Shumë njerëz mendojnë se shëndeti mendor ka të bëjë me ata të cilët kanë probleme mendore, gjë që nuk është absolutisht e vërtetë. Ju vazhdoni të mendoni rreth ish-it tuaj, kur ai ka dalë jashtë jetës tuaj përfundimisht dhe sërish vazhdon t’jua turbullojë mendjen. Duke mbetur mbërthyer pas kujtimeve të tij, mendja ju mbingarkohet me kaq shumë mendime të cilat reduktojnë kapacitetin tuaj mendor.

Produktiviteti

Imagjino sikur disku i kompjuterit tuaj të jetë plot me viruse, a do të performonte ai aq mirë si në rastin kur është i pastër? Sigurisht, që jo! Mendohuni rreth marrëdhënieve tuaja në të shkuarën në të njëjtën mënyrë sikur vepron një virus në trurin tuaj dhe ai nuk do të jetë në gjendje të performojë në të njëjtën mënyrë. Aftësia juaj për të bërë punën mirë do të reduktohet.

Strategji jo të mira motivimi

Ekzistojnë 2 tipa të strategjisë së motivimit: duke lëvizur drejt problemit dhe duke u larguar nga ai. Pjesa më e madhe e njerëzve të suksesshëm motivohen nga fakti që të folurit rreth ish-it është një strategji jo e mirë, i bën ata të riforcojnë kujtime jo të këndshme dhe i akumulon këto kujtime në mendjen tuaj. Përkundrazi, mendoni rreth faktit që ju do të ndërtoni një marrëdhënie të mirë dhe përkushtojuni asaj.

Reduktimi i mundësive për të arritur një dashuri të re

Siç thamë më lart, të menduarit rreth marrëdhënieve jo të kënaqshme në të shkuarën prodhon mendje jo të shëndetshme. Përvojat negative shoqërohen me besime negative rreth tyre dhe përvojave të tjera. Këto besime prodhohen nga vetë mendimet tona. Mendimet negative, si të menduarit rreth ish-it tuaj nuk nxisin përvoja të kënaqshme në të ardhmen, si takimi i një të dashuri/ të dashure të re. Filloni të mendoni rreth marrëdhënies suaj të re.

Të qenit të lumtur

Çdo herë që keni një mendim të mirë, truri juaj sekreton neurotrasmetues si serotonina. Veprimi i këtij neurotransmetuesi ndikon në gjendjen aktuale të mendjes. Relaksohuni dhe mendoni për herën e fundit kur jeni argëtuar shumë. Kujtoni çdo gjë që keni bërë. Nëse ka qenë shikimi i një filmi, një komedie apo takimi me miqtë tuaj apo çdo lloj eksperience që mbani mend. Mendoni rreth një eksperience tjetër, e cila ju bën ju të ndiheni të lumtur, bëni të njëjtën gjë dhe shijojeni atë.

Postuar te Hulumtime. Komentet "Off"

Tradhtia, sa joshëse

Tradhtia, sa joshëse

Atmosfera e një dashurie të fshehur është si thirrja e sirenave për Odisenë. I lëmë të thërrasin për t’i dëgjuar, dhe pastaj t’i shijojmë. Dashuria e ndaluar (tradhtia), të tërheq kaq shumë saqë të ndryshon dhe këndvështrimin e botës, dhe është shumë tërheqëse, sepse është një sfidë e përditshme me fantazi nga më të ndryshmet, që kjo dashuri të mbetet sa më e fshehtë. Nuk duhen bërë takime të fshehura, puthje të rastit, histori dashurie të ndaluara sepse kanë gjithmonë një çmim dhe të shtrenjtë. Po si mund të thuash jo? 



Ajo vjen pa pritur, në formë dhe mënyra nga më rrëqethëset. Në fund të fundit është e rëndësishme të dini ta njihni dhe t’i bëni vend pranë. Ka një sekret të vogël që të dish ta përdorësh këtë “ngarkesë erotike” që është brenda jush: “Lasciarsi andare”, lëshojeni vetveten si një makinë pa frena tek personi që ju ka krijuar këtë ngarkesë, sepse është e kënaqshme, e domosdoshme dhe ju lehtëson dhe jetoni më mirë psikologjikisht.

Xhelozia dhe dyshimi

Gjithçka është e shkruar në yje, madje dhe dita e lindjes dhe e vdekjes. Fjalët e tyre shpesh janë “tepër të pabindshme” për dikë, i cili nuk beson tek fati, nuk beson në Zot, nuk beson në fenomene hyjnore, apo të pashpjegueshme. Njeriu është qenia me e “pabindur”, që duke u mbështetur në kapacitetin e tij të të konceptuarit të gjërave, dyshon në çdo gjë që thuhet apo shkruhet. Ndonjëherë themi “Përse duhet të besoj në teori të tilla, përse duhet të mendoj se për mua qenka e shkruar që do të lidhem me dikë dhe që ai/ajo plotëson boshllëkun tim?” Pyetje kjo që e gjen përgjigjen në gjithsecilin prej jush. Jam e lumtur, mund të thotë dikush, kam gjetur personin ideal për mua, kam gjetur zemrën apo shpirtin tim, jam pranë partnerit të jetës. Po nëse është kjo gjë e vërtetë, nëse vërtet ke gjetur shpirtin tënd binjak, atëherë përse gjithë ai dyshim në zemrën e tuaj? Në momentin e përputhjes me partnerin e duhur çdo ndjenjë e tillë zhduket.

Liria dhe kënaqësia

Kur jeni të përgatitur keni më shumë mundësi për të zgjedhur, më shumë liri dhe kënaqësi. Në qoftë se dëshironi të jeni aktivë nga ana seksuale, marrëdhëniet seksuale duhet t’i shihni si kënaqësi, por njëkohësisht atyre duhet t’u kushtoni vëmendje serioze. Nëse doni që të shmangni shtatzëninë dhe infeksionet që transmetohen në rrugë seksuale, duhet të përdorni metodat mbrojtëse kontraceptive. Mund të jeni në dijeni të një liste mjetesh kontraceptive që mund t’i përdorni për të shmangur shtatzëninë. Disa prej tyre sigurojnë mbrojtje edhe nga infeksionet që transmetohen në rrugë seksuale. Nëse keni pyetje, shqetësime ose vështirësi rreth mjeteve kontraceptive, konsultohuni me specialistë në Shoqatën e Planifikimit Familjar ose me mjekun. Mjete kontraceptive për femrat janë ato që merren nga goja, si: pilula ose tableta që përmbajnë hormone të cilat e ndalojnë procesin e lëshimit të vezëve nga vezoret çdo muaj.

Postuar te Hulumtime. Komentet "Off"

Çfarë mendojnë meshkujt?

Sekretet e burrave, zbuloni çfarë mendojnë ata?Kurioziteti më i madh për femrat është të dinë se çfarë mendon partneri i tyre gati në çdo moment. Ca gjëra kuptohen lehtësisht, por partnerja do të bënte gjithçka vetëm që të mësojë se ç’bluan në kokë ai.
Shumë gra mendojnë se, meqë bashkëshorti gënjen për diçka të vogël, atëherë ai mund të gënjejë dhe për diçka tjetër. Pra, për të fituar besim duhet të tregohesh i sinqertë dhe për gjërat e vogla. Megjithatë, ata disa sekrete i mbajnë përherë. Të paktën kështu mendojnë. Edhe pse mendimet e tyre nuk mund të kuptohen nga partnerja, ekspertët kanë treguar disa prej tyre.

Joshja

Meshkujt joshen 10 herë në ditë nga femra të tjera. Por, sipas ekspertëve, edhe pse ata joshen rreth 10 herë në ditë nga femrat e tjera, kjo nuk do të thotë se ata nuk ju duan.


Madje, edhe pse ndonjëherë mendoni se partneri nuk e vuri re aspak atë çupëlinën me bluzë të ngushtë dhe me një mini-xhins, atëherë duhet të mësoni që ai ka aftësinë të shohë qartë me bisht të syrit. Kur një grua e pashme kalon afër tyre dhe kur ajo për më tepër ka veshur dhe diçka provokuese, edhe po të jenë të shoqëruar, ata kanë një tundim tepër të fortë për ta parë. Ata e dinë mirë që kjo nuk i pëlqen aspak partneres, por është vërtet një magnet instiktiv, që aktivizohet në sytë e mashkullit sapo një pamje joshëse i kalon pranë.

Largimi

Meshkujt kanë nevojë të qëndrojnë pak larg partnereve. Çdo mashkull e ka të nevojshme të largohet për pak orë apo minuta nga rutina e përditshme. Për këtë ai del për vrap, për një lojë me bilardo apo për palestër. Në fakt nuk është se krejt papritur ai ndërgjegjësohet për barkun që po i kërcen mbi rripin pantallonave apo është ndonjë i apasionuar i madh pas bilardos, madje mund të jetë dhe dobët në atë lojë, por ai del për t’u larguar nga partnerja që ankohet pa pushim dhe nga fëmijët që bërtasin. Sa herë lënë shtëpinë për një justifikim të tillë, që nuk parashikon mundësinë për t’iu marrë me vete, më shumë mundësi i bëjnë për t’u larguar.

Premtimet

Meshkujt nuk i besojnë as vetë premtimet që bëjnë. Kjo në fakt është goditje pak e fortë për femrat, prandaj po themi më të rëndësishmen në fillim: Ata ju duan fort. Sipas ekspertëve, meshkujt mendojnë se jeni fantastike dhe shumicën e kohës ata janë të kënaqur për zgjedhjen e bërë. Por ama shumica e meshkujve, sidomos ata në moshë të re, ende nuk mendojnë për diçka serioze dhe premtojnë edhe për gjëra që edhe vetë nuk e dinë në mund t’i realizojnë.

Fitimet

Kur meshkujt fitojnë shumë e ndiejnë veten të rëndësishëm. Në disa çifte janë gratë ato që fitojnë më shumë. Kjo sigurisht është një arritje për femrat, për të cilën janë të lumtur dhe meshkujt. Po kjo në fakt është ajo që ata thonë, por në të vërtetë ata janë aq krenarë, konkurrentë, egomaniakë, sa nuk e kanë të lehtë ta pranojnë. Sigurisht që çdo femër e di, që partneri i saj do të donte të ishte ai që i siguron të ardhurat dhe nevojat familjes.
Postuar te Hulumtime. Komentet "Off"

Pro referendumit për bashkimin Shqipëri-Kosovë

Një numër i vogël i shqiptarëve mendojnë se është pozitiv bashkimi i Shqipërisë me Kosovën, ndërsa shumica janë deklaruar se po të organizohej një referendum do të votonin për bashkim.


Në sondazhin e realizuar nga Institutit Studimeve Ndërkombëtare për Shqipërinë, 37 për qind e të anketuarve mendojnë se bashkimi i Shqipërisë me Kosovën nuk është as pozitiv dhe as negativ, 35 për qind mendojnë se ai është negativ dhe vetëm nëntë për qind mendojnë se është pozitiv, raportoi Shekulli.



Ndërsa 35 për qind mendojnë se mundësia e bashkimit Shqipëri-Kosovë është e paktë, 18 për qind mendojnë se ka një mundësi mesatare, ndërsa vetëm nëntë për qind mendojnë se është plotësisht e mundshme.


Nëse do të ndodhte organizimi i një referendumi për bashkimin e Shqipërisë me Kosovën pro janë 39 për qind e të anketuarve, kundër 23 për qind, abstenim 21 për qind dhe nuk do të merrnin pjesë 18 për qind e të anketuarve.


Sipas sondazhit, Serbia dhe Greqia janë kërcënim për Shqipërinë. Shumica e të anketuarve – 44 për qind, mendojnë se Italia ka patur më shumë influencë te qeveritë shqiptare pas vitit 1991, më pas vjen Greqia më 35 për qind, SHBA-të me 12 për qind dhe Serbia me nëntë për qind. Kjo e fundit paraqet për 51,6 për qind e të anketuarve kërcënimin më të madh për Shqipërinë, pasuar nga Greqia me 47,9 për qind, ndërsa Italia nuk paraqet asnjë kërcënim.



Postuar te Hulumtime, KOSOVË, RAJONI. Komentet "Off"

Të biesh në dashuri, mjafton 1/5-a e sekondës

Të biesh në dashuri, mjafton 1/5-a e sekondës
Për të rënë në dashuri, mjafton vetëm 1/5-a e sekondës dhe kur kjo ndodh, keni të njëjtat ndjenja të euforisë që ju pushtojnë kur merrni kokainë. Kjo është zbuluar nga një studim i kryer prej studiuesve nga universiteti i Sirakuzës, i publikuar në gazetën e “Mjekësisë Seksuale”, një rezultat ky që nxjerr përgjigjien e pyetjes nëse zemra apo truri na bëjnë të biem në dashuri dhe të humbasim arsyen.

Por edhe nëse themi se zemra nuk mund të kontrollohet, dashuria duket se është një ndjenjë shumë më tepër “shkencore” nga sa duket dhe është e lidhur me trurin më shumë se sa ne mendojmë.

Kjo pasi kur ju bini në dashuri, atje janë 12 zona të trurit të cilat punojnë së bashku për lirimin e kimikateve që ndihmojnë krijimin e euforisë, të tilla si oxytocin dopamine dhe adrenalina, që janë të përfshira në funksionet njohëse shumë të sofistikuara.

Stephanie Ortigue, koordinatore e studimit pohon: “Unë do të thoja se truri, por edhe zemra, të lidhura bashkë, shkaktojnë konceptin e dashurisë dhe formohen nga dy proceseve që depërtojnë nga truri në zemër dhe anasjelltas”.

Për shembull, aktivizimi i pjesëve të trurit mund të gjenerojë stimulim në zemër, i njohur si fluturat në stomak.

Kjo studiuese ka gjetur gjithashtu edhe se nivelet e rritjes së gjakut, janë një faktor nervor që vihet re vetëm te çiftet që kanë rënë në dashuri.

Kjo molekulë luan një rol të rëndësishëm në kiminë sociale të njeriut dhe goditjen rrufe të dashurisë.

Këto rezultate, – vazhdon Ortigue, – konfirmojnë se dashuria e ka një bazë shkencore dhe kur gabojmë, kjo ndodh për shkak të stresit emocional dhe depresionit”.

Postuar te Hulumtime. Komentet "Off"

Papa Obama. Presidenti i Kinës njeriu më i fuqishëm në botë

Në planetin tokë frymojnë 6.8 miliard njerëz. 68 prej tyre janë personalitete që njihen si njerëzit më me ndikim në botë. Ne jemi të magjepsur nga fuqia.

Ne qëndrojmë në ankth nga ata të cilët e përdorin këtë forcë dhe të cilët abuzojnë me të. Ne lakmojmë pushtetin. Secili me më dëshirë do të ishte çekan se sa gozhdë.

Njerëzit e kësaj liste janë përzgjedhur në mënyra të ndryshme. Ata e rrotullojnë botën sipas vullnetit të tyre.

Ata janë krerët e shteteve, figura të mëdha religjiozë, interpretues dhe njerëz të ligjit. Krahasimi relativ i kësaj fuqie siç është diversiteti i grupeve është një biznes i rrëshqitshëm.

Për ta bërë këtë ne kemi definuar forcën në katër dimensione. Së pari kemi pyetur nëse këta persona kanë ndikim mbi masën. Sipas listës tonë, presidenti i Kinës, Hu Xhinato, është njeriu më i fuqishëm në botë, për t’u pasuar nga presidenti i Shteteve të Bashkuara, Barak Obama, i cili mban vendin e dytë. Kryeministri i Rusisë, Vladimir Putin, renditet i katërti, ndërsa pozitën numër 12 e zë presidenti i këtij shteti, Dmitri Medvedev.

Pas tyre renditet Papa Benedikti XVI në vendin e 6 dhe kancelaria gjermane Angela Merkel në të shtatin.

Në renditjen e vitit 2010 për njerëzit më të fuqishëm në botë, renditet edhe kryeministrit, Silvio Berluskoni, 14 si një ndër njerëzit më të pasur në botë. Në listë vihet re madje edhe prania e një tjetër femre, Sonia Gandi, në postin e presidentes së Kongresit Indian.

Por përfshihen edhe njerëzit e botës së ekonomisë dhe biznesit si Bill Gates, mandati australian Rupert Murdoch, kryetari i Neus Corporation që ka mediat “Uall Street Journal”, “Fox”, “Neu York Post” etj. Si edhe presidenti i Bankës Qendrore Evropiane, Jean Claude Trichet. Lista përfshin edhe shefin e organizatës terroriste Al Kaeda, Osama bin Laden dhe themeluesin e faqes “Wikileaks”, Julian Assange. Në klasifikim janë edhe Papa me Bin Ladenin Lista Forbes përmban politikanë, udhëheqës biznesi dhe figura të tjera publike…

Postuar te Hulumtime. Komentet "Off"
Ndiqe

Merreni çdo postim të ri drejt e te email-et tuaja.

%d bloggers like this: