Ushqim i shijshem dhe pa kalori

Disa alternativa për të shijuar ushqimet që sado të përpiqemi e kemi të pamundur t’u rezistojmë: aperitivë, salca të ndryshme, akullore, pica, makarona, lëngje frutash. Këshilla për të kënaqur oreksin tuaj  
Nuk është e nevojshme të hiqni dorë nga një pije me gaz, ose nga një drekë e shijshme vetëm nga frika se mos merrni më shumë kalori seç duhet. Për të kënaqur veten dhe për të mos e rënduar veten, mjafton të dini se çfarë të zgjidhni. Ja disa këshilla të vlefshme.


Kokoshkat, në vend të patatinave

Zakonisht kur nuhasim aromën e kokoshkave e kemi të pamundur t’i rezistojmë. Por nëse dëshironi që t’i shijoni, provoni t’i përgatisni në shtëpi (duhet shumë pak punë) në mënyrë që të shmangni ato të konservuarat dhe të mos e ekzagjeroni me kripën. Janë të freskëta, të shijshme dhe përmbajnë shumë fibra. Për sa u përket kokoshkave, përmbajnë në total 60 kalori, kundrejt 150 kalorive që përmbajnë 30 gramë patatina. Patatinat janë të pasura me yndyrë, ndaj është një arsye më shumë për të mos e tepruar.

Fibra në mëngjes

Për të favorizuar rregullsinë intestinale në mëngjes, nuk mund të hiqni dore nga kornflekset. Por mos harroni, është më mirë të zgjidhni kornflekset me krunde se ato “muesli”, një përzierje drithërash me fara vajore dhe fruta të thata. Do të ishte mirë që qumështit t’i shtonit fruta të freskëta sipas dëshirës dhe të përdorni një lloj qumështi pak të yndyrshëm për ta filluar ditën në mënyrë sa më të shëndetshme. Kornflekset “muesli” mund të jenë natyrale dhe të shijshme, por përmbajnë shumë yndyrë. Përdoren më tepër për t’i dhënë shije kosit të thartë dhe të hollë.

Ëmbëlsirat: jepuni fund racioneve të mëdha, por jo kënaqësisë së shijimit

Nuk është e nevojshme të hiqni dorë nga akullorja, por do të ishte më mirë të zgjidhnit ëmbëlsirat me sherbet, kosin e ngrirë dhe kremrat e lehta. Për t’u kuptuar më mirë: shmangni ëmbëlsirat e tipit “NY Cookies” (ëmbëlsirat njujorkeze) ose ato që janë të bëra me miell dhe fruta të thata, të sheqerosura, copëza çokollate me qumësht e kështu me radhë. Shumë ëmbëltore dhe supermarkete ofrojnë akullore pa sheqer dhe yndryrna të shtuara, ose që janë bërë vetëm me qumësht të skremuar, pa u shtuar pana dhe vezë. Këto lloj ëmbëlsirash janë të shijshme dhe nuk të bëjnë të ndihesh në faj.

Picë po, por si?

Pica është një pjatë që përfshihet në shumë dieta. Bëhet fjalë për një vakt të plotë dhe jo shumë kalorik. Por duhet t’i kushtoni shumë rëndësi mënyrës së gatimit. Zgjidhja ideale do të ishte një picë “Margarita”, duke i shtuar zarzavate të prera hollë, si kunguj, speca dhe spinaq. Nëse i hidhni shumë mocarelë dhe përbërës të tjerë, si djathë gorgonzola, pana, salsiçe, sallam pikant, si aciditeti ashtu edhe kaloritë rriten për një minutë. Duke e tepruar me përbërësit, mund të arrini padashur te 720 kaloritë për një të tretën e picës.

E dini se çfarë pini?

Ka shumë persona që nuk i shijojnë frutat, prandaj zgjedhin t’i shtrydhin, duke i marrë në formën e lëngut. Nuk ka shumë rëndësi mënyra sesi merren, sepse këto lloj lëngjesh janë të pasura me vitamina, antioksidues dhe minerale. Asaj që duhet t’i kushtoni rëndësi është sasia e frutave që përmban një lëng: nëse janë pije të konservuara, zgjidhni ato ku shkruhet “100 për qind natyrore”. Të tjerat janë plot sheqer dhe kalori të panevojshme.

Disa lloje salcash mund të konsumohen, por të gjitha është e pamundur

Majonezë, salcë djathi, apo salcë jeshile? Asnjërën. Arsyeja? Janë të konservuara. Nëse e keni të vështirë të hiqni dorë nga salcat, zgjidhja e vetme në këtë rast do të ishte përgatitja vetë. Mund të zgjidhni “purenë” tipike të kuzhinës së Lindjes së Mesme, e cila përmban limon, vaj, hudhër, kripë dhe “tahina” (salcë susami, që gjendet edhe nëpër supermarketet e mëdha). Kjo lloj salce është shumë e thjeshtë për t’u përgatitur. Shoqërohet me zarzavate të freskëta, si karota dhe selinoja, ose mund të lyhet buka me të. Është burim hekuri, vitamine C, proteinash dhe fibrash. Ndër të tjera përmban gjysmën e kalorive të një salce me djathë.

Ushqime të gatshme, por të shëndetshme

Nuk është e thënë t’i përjashtoni totalisht nga jeta juaj ushqimet e gatshme që blihen në supermarkete. E rëndësishme është të zgjidhni ato që përmbajnë zarzavate, pak yndyrna, jo shumë salca, pak kripë, në mënyrë që të shijohen dhe të mos jenë shumë për vështira për t’u tretur. Shmangni të skuqurat dhe zgjidhni kryesisht ato që janë të pjekura në zgarë ose në tigan dhe të thara në tym.

Makaronat e shijshme

A mund të heqim dorë nga makaronat? E pamundur. Edhe këtu, si me picën, vlen i njëjti rregull: t’u kushtojmë rëndësi përbërësve. Një salcë e mirë, e shëndetshme dhe e lehtë për t’u përgatitur, ju ndihmon të mos merrni shumë kalori dhe të shijoni deri në fund ushqimin tuaj të preferuar. Asortimentet e tepërta mund ta dyfishojnë sasinë e kalorive.

Prodhimet e detit

Karkalecat janë një alternativë e shëndetshme dhe shumë e shijshme për t’ua bashkangjitur ushqimeve të tjera. Mund të gatuhen në tigan ose në zgarë. Kanë më pak kalori, yndyrë dhe kripë.


Aperitivët

Përse duhet të hiqni dorë nga një festë e bukur me mikeshat? E rëndësishme është të mos e teproni. Për të ruajtur linjat, por edhe për të mos i bërë keq shëndetit, shmangni pijet alkoolike. Mos pini pije alkoolike kur e keni stomakun bosh, sepse thithen më shpejt nga organizmi. Nëse nuk pini alkool, atëherë shijoni një lëng domateje. Është shumë i shijshëm.
About these ads
Postuar te Kuriozitet, Mjekësi, Ushqim. Komentet "Off"
Ndiqe

Merreni çdo postim të ri drejt e te email-et tuaja.

Këtë e pëlqejnë %d bloguesa: